Zapatuan, hilak 27, urteroko Nekazaritza Erakusketa egingo dute Urdulizen. Oraingoan, 28. edizioan, Antsonekoa plazan egingo dute ekimena eta, arduradunek iragarri dutenez, BBK Fundazioak utzitako 30 postu egongo dira nekazariek euren produktuak erakuts ditzaten, 10:30etik aurrera.
Erakusketaz gainera, nekazariek euren produktuak saldu ahal izango dituzte ere, bertako produktuen egiazkotasuna ziurtatu ondoren.
14:00etan kategoria bakoitzeko sariak banatuko dituzte, horrela banatuta: barazkiak, landareak eta frutak. Garaikurrez gainera, lehenengo hiru irabazleek 130, 110 eta 100 euroko sariak jasoko dituzte, hurrenez hurren.
Saltokiez gainera, ardoak eta gastronomia dastatzeko hiru txosna egongo dira, baita fanfarrea bat ere eguna dinamizatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
