"Butroeko xarmak", Txiri-Txiriren ibilbide berria Urdulizen

Butroe gaztelua. Argazkia: Ibai78

Urdulizko Txiri-Txiri proiektuaren hurrengo egitasmoa urriaren 2an, domekan, izango da. Horretan, Butroeko gazteluraino ibilaldia egingo dute, 10:00etatik aurrera, eta, aurrekoetan bezala, aldez aurretik izena eman beharko da, irailaren 23a baino lehen, udal-webgunean; Urdulizen erroldatutakoek eta aurreko egitasmoetan parte hartu ez dutenek lehentasuna izango dute.

Ekimenaren helburua da, aurrekoetan bezala, osasuna eta gizarte-kohesioa sustatzea, jarduera fisikoaren bidez eta, aldi berean, Urdulizko udalerria eta bertoko ingurune naturala ezagutzera ematea.

Oraingoan ere, Urdulizko Udalak tokiko Tantak elkartearen laguntza izango du.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun