Riyehee Hong organista korearrak kontzertua eskainiko du bihar Urdulizko Andra Mari elizan

Riyehee Hong korearrak eskainiko du bihar Urdulizko Andra Mari elizan egingo den organo-kontzertua. © BIZKAIKO HOTSAK

Bizkaiko Hotsak XVII. organo-jaialdia Urdulizera helduko da zapatuan, hilak 19, 20:00etan, Andra Mari elizan egingo duten kontzerguagaz. XVIII. mendeko antzinako musikan espezializatuta dagoen Riyehee Hong korearrak eskainiko du emanaldia. Horretarako sarrera librea izango da edukiera bete arte.

Hong doktorea da Musikologian, Musika Arteetan eta Organo Interpretazioan. Horretaz gain, kontzertista gisa aritu da Estatu Batuetan, Kanadan, Suitzan, Belgikan, Espainian, Frantzian, Finlandian eta Txinan. Zapatuan, Correa Braga, Larrañaga, Soler, Martin y Coll, Haydn, CPE Bach eta Eslavaren entzunaldiak eskainiko ditu.

Gainera, emanaldia pantaila handi batean proiektatuko da, bertaratzen direnek organo-jotzailearen emanaldia xehetasun osoz jarraitzeko aukera izan dezaten.

Urdulizko organoa 1853an eraiki zuten Roques e hijos organogileek, eta, besteak beste, Burgos, Cadiz eta Huescako katedraletako organoak ere eraiki zituzten.

Bizkaiko Foru Aldundiak eta Urdulizko Udalak babesten duten emanaldia Bizkaiko Hotsak XVII. organo-jaialdian kokatzen da, lurralde osoko udalerrietako elizetan egiten ari den kontzertu-sorta, hain zuzen ere.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun