Etxerat elkarteak jakinarazi duenez, Basauriko espetxetik aske atera da astelehen honetan, maiatzaren 29an, Iñaki Bilbao Gaubeka Urdulizeko presoa, 25 urteko kartzelaldiari amaiera eman eta gero. Duela bost urtetik aske egon behar zuen, eta, tartean, hirugarren gradua ere kendu diote, onartua izan ostean.
Zigorraren azken egunera arte luzatu dute Iñaki Bilbao Gaubekaren kartzelaldia: nahiz eta pasa den urtean hirugarren gradua onartu zion Lakuako Gobernuak, Auzitegi Nazionalak bertan behera utzi zuen neurria, Gorka Martinez Ahedor urduliztarragaz ere gertatu zen bezala.
Horrenbestez, Etxeratek salatu zuenez, 2017 urtean gainditu zuen daborduko baldintzapeko askatasuna eskuratzeko zigorraren zatia. Aitzitik, eskubide hori ez diote inoiz onartu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
