Osasun Sailak baieztatu duenez, ebola sintomak dituen 54 urteko emakume bat eraman dute Urdulizko ospitaletik Donostia Ospitalera. Osakidetzak protokoloa aktibatu du sukar hemorragikoko kasu bat izan zitekeelakoan, eta pazientea Donostia Unibertsitate Ospitaleko Segurtasun Biologiko Handiko Unitatera eraman dute.
Hasiera batean, Urdulizko ospitalean artatu dute duela gutxi Afrika Erdiko Errepublikara bidaiatu zen 54 urteko emakumea. Hala ere, sukar hemorragikoa izan zitekeenaren sintomak antzeman dizkiotenean, gaixotasun infekzioso larriak dituzten pazienteentzako Osakidetzako Donostia Unibertsitate Ospitaleko Segurtasun Biologiko Handiko Unitatera eraman dute. Osakidetzak baieztatu duenez, bere egoera egonkorra da eta datozen egunetan baieztatuko dute ebolak infektatu duen ala ez.
Gaixotasun horren sintoma-koadroak sukarra, buruko min handia, giharretako eta artikulazioetako mina, ahultasun handia eta eztarriko mina barne hartzen ditu. Sintoma larriek, berriz, beheranzkoa, gorakoak, urdaileko mina, odoljarioak eta hematomak dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
