Joan den barikuan, irailaren 29an, 27 urteko gazte bat larri zauritu zen Urdulizen, Santa Marina inguruan eskalatzen ari zela lurrera erori ostean. Eusko Jaurlaritzako Segurtasun Sailak jakinarazi duenez, biktima Gurutzetako ospitalera eraman behar izan zuten helikopteroz eta, bertan, ordu gutxira, zaurien ondorioz zendu zen, gertukoek HIRUKAri jakinarazi diotenez.
Barikuan, arrastiko 18:30ak aldera, SOS Deiakek jakinarazi zuen eskalatzaile bat larri zauritu zela Urdulizko Santa Marina inguruko eskalada-gunean, hainbat metro erori ostean.
Zauritua egoera larrian zegoen eta, hori dela eta, lekura bertaratutako larrialdi-zerbitzuek helikopteroz eraman zuten Gurutzetako ospitalera. Bertan, osasun-langileek ezer gutxi egin ahal izan zuten gazteagatik, eta ordu gutxira hil zen.
Ertzaintza ikertzen ari da gertaeraren arrazoiak bidean izandako akats batengatik edo segurtasuneko giza akats batengatik izan diren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
