Hurrengo urriaren 14an, zapatuan, Urdulizko umeek Aioko txotxongilo eta itzalen ikuskizunaz gozatu ahal izango dute tokiko Kultur Etxean, arrastiko 18:00etan. Ikuskizun didaktikoa izango da, baita hurbila eta atsegina ere. Sarrerak 6,15 euro balio ditu, 55 minutu iraungo ditu eta 4 urtetik gorako umeei dago zuzenduta. Informazio gehiago, hemen.
Antzezlanean kontatuko dute Aioko irlako biztanleen bizitza: herritarrek ahaztu dute aniztasunak, naturarekiko errespetuak eta bizitzaz gozatzeko denbora libreak izan dezakeen balioa. Aspaldi irla alai bat izan bazen ere, orain iluntasuna da haien bihotzen jabe. Bizilagunek baztertu dituzten bi pertsona oso berezi, Azkartxin eta Moteltxin, izango dira protagonistak. Bidaia fantastikoa izango da, eta bertan abenturak, emozioak, sorpresak, jenioak eta argiz beteriko itzalak aurkituko dituzte ikusleek.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
