Proiektuaren aurkezpena, martitzenean, maiatzaren 14an izango da, arrastiko 18:00etan, Urdulizko kultur etxean. Ikastetxeko ikasleek eta irakasleek kudeatuko dute prozesua, haiek ere ekimenaren parte direlako ingurumenarekiko ardura eta konpromiso soziala sustatzeko bidean.
Urdulizko Udalak abian jarri du Rexcatering proiektua, BFAren finantzazioaz eta Elortza ikastetxearen laguntzaz. Horren helburua nagusia da ahalik eta elikagai gutxien xahutzea, eta kontsumo arduratsuaren kultura sustatzea. Hala, ekimen horren bidez ziurtatu nahi dute eskola-orduetan kontsumitzen ez den janaria ez dela alferrik galtzen eta ez dela zakarrontzira botatzen, behar duen edonoren eskura heldu dadin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun