Urdulizko Udalak gogorarazi du herriak ibilgailu elektrikoak kargatzeko lau terminal dituela, Ospitalaren aurreko Santa Mariñe aparkalekuan kokatuta. Horietatik hiru, 2022tik daude martxan. Laugarren terminala oraindino ez dago erabilgarri benetako premia baten zain dagoelako. Horietako bakoitzak bi mahuka ditu, eta horiek aukera ematen dute aldi berean sei ibilgailu kargatu ahal izateko eguneko 24 orduetan zehar.
Kargatzeko terminal arruntak dira (7.36kw), eta, beraz, bi ordutan 100 kilometroko autonomia kargatzea ahalbidetzen dute. Zerbitzua erabiltzeko, beharrezkoa da Repsolen Waylet aplikazioaren bidez egitea: bertan, kargatzeko puntua aurkitu eta erabiltzaileari gehien komeni zaion terminala eta ordutegia aukeratu ahal izango dira. Terminal hauen helburua da CO2 emisioak murriztea eta, horrela, herri osasuntsuago bat lortzea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!