Aurkeztu beharreko datuak: erroldatutako taldekideen izen-abizenak eta NANa, eta taldearen edo bakarlariaren izena. Parte-hartzaile adingabeek legezko tutoreek sinatutako baimena aurkeztu beharko dute. Izena eman duten taldeen edo bakarlarien kopuruaren arabera, ordutegiak eta emanaldien ordena zehaztuko dira. Ezinbestekoa da taldeko kide bat gutxienez Urdulizen erroldatuta egotea.
Aurkezten diren gaietan, ez da onartuko letra homofoborik, sexistarik eta arrazistarik. Ebazpena otsailaren bigarren hamabostaldian argitaratuko da.
Udalak ekitaldia kudeatuko du, izena eman duten guztiakaz harremanetan jarriko da, bilerak koordinatuko eta antolatuko ditu. Gainera, musika-emanaldien garapen normala bermatuko du, eta ahalik eta lankidetzarik handiena eskainiko du proiektua garatzeko. Eskatzaileen betebeharrak dira deialdiaren oinarriak, ordutegiak eta ezarritako konpromisoak betetzea, eta taldeakaz edota bakarlariakaz ahalik eta lankidetza handiena izatea.