Urdulizek gaur egun ez du HAPOrik, 2000.urteko arau subsidiarioa baizik. "Urdulizen beharrak aldatu egin dira 25 urte hauetan eta, horregatik, garrantzitsua da plan orokor berri hau idaztea, Urdulizek gaur egungo beharretara egokitutako hirigintza-plan bat izan dezan, adibidez, etxebizitzari, eremu publikoari, mugikortasunari eta beste hainbat konturi dagokienez", adierazi du Udalak.
Hala, azaldu du hirigintza-plan orokorra egitea, behin betiko onartu arte, prozesu luzea dela, hainbat urte eta fase dituena. "Herritarren parte-hartzea garrantzitsua da plana idazten den bitartean, eta bereziki garrantzitsua da hasieran, informazio-fasean, aurrerapenean eta hasierako onarpenean. Horrela, ahalik eta pertsona gehienen parte-hartzea eta dibertsitatea sustatzeko eta HAPO berriak Urdulizko bizilagunen beharrei erantzun diezaien, hainbat ekintza burutuko dira, hala nola hitzaldi informatiboak, parte hartzeko saioak, partaidetza digitala, etab".
Hala, Udaletik jakinaraziko dute hurrengo hilabeteetan nola eta noiz parte hartu jakinaraziko dutela.Informazio guztia: webgunean egongo da eskuragarri.