Lehen, Urdulizko Gaztelekua aste-akabutan erabiltzen zen nerabeen premiei zerbitzua emateko. Gaur egun, berriz, horretaz gain, astean zehar herriko beste behar askori erantzuteko ere erabiltzen da. Egungo gobernu-taldeak herritarrei entzun eta betetzen ez ziren premiak zehaztu eta gero hartu du erabaki hori. Ondoren, eremuak garbitu eta berrantolatu egin dira. Horrela, erabilera hobea eta zabalagoa eman zaio potentzial handiko eta balio anitzeko eraikin honi.
Aste-akabuetan, beheko eta lehen solairuak gazte-leku gisa erabiltzen dira. Astean zehar, lehen solairua jarduera hauetarako erabiltzen da:
Euskaltegia. Ikasturte honetan 35 pertsona gehiago matrikulatu dira euskara ikasteko zero mailatik hasita.
Piano-eskolak. Horiek ere eremu horretara mugitu dira.
Eraikinaren sotoa, lehen oso gutxitan erabilia, orain hainbat elkartek erabiltzen dute beren jardueretarako:
Euskara lantaldea.
Ingurumen lantaldea.
Urdulizko pentsiodunen mugimendua.
Belatzgorri mendi-kluba.
Jai-batzordea.
Aurretiazko borondateen programa.
Musika gela intsonorizatua.
Eremuen erabilera Udalagaz sinatutako akordioen bidez araututa dago. Erabili gura izanez gero, Udalari eskatu ahal zaio eta, orain arte egin duen bezala, Udalak eskaera aztertu egingo du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
