Hamaika pertsona hauek izan ziren zenbait elkarte edo entitateren ordezkari: Marije (anbulatorioa), Garazi (Belatzgorri), Arantza (Berbalagun), Natalia (Dendari eta ostalariak), Laia (ELortza eskola), Leize (eskubaloia), Mohamed (euskaltegia), Nico (filosofoa eta poeta), Mikel (Futbol Taldea), Marta (Inola eta Nire Erreka), Aida (Jai Batzordea), Iñaki (Orbizta Euskera Elkartea) eta Borja (Topakanta).
Haiek guztiek, elkarregaz, Euskal Herrian egiten den euskararen aldeko ariketa sozial handienean, Euskaraldian, parte hartzeko deialdia egin zuten. Argazkia atera ondoren, Elortza eskolako ikasleek egindako abestia elkarregaz kantatu zuten:
"Gure hizkuntza entzun nahi dugu
Eskolan eta kalean.
Guztiok saiatuz gero,
Herri euskalduna lortuko da".
Arrastian, umeek hamaika talo egin zuten eta, gainera, Zuzterrak taldearen plaza dantzara bertaratu ziren Maritxu eta Bartolo. Hala, Euskaraldian parte hartu dezakete herritarrek daborduko, hemen.