Barikuan, hilaren 17an, Emakume Baserritarren Nazioarteko Egun ospatuko da, hori dela eta, Urdulizen omenaldi berezia egingo diete herriko emakume baserritarrei eta bendejerei. Ekitaldia 18:00etan izango da Marutze pilotalekuan, eta herriko emakume guztiak gonbidatu dituzte, bai gaur egun sektore horretan dihardutenak, bai garai batean jardun zutenak eta euren senideak ere.
Udalaren helburua Urdulizko emakumeen lan nekaezina eta belaunaldiz belaunaldi transmititutako ekarpena aitortzea izango da. Hala, baserritarrak edo bendejerak diren edo izan diren emakumeei edo horretan dabilen senideren bat duten urduliztarrei bertaratzeko gonbidapena egin diete.
Omenduak izateko bertaratzeko asmoa dutenei hilaren 14a baino lehen udalakultura@urduliz.eus helbidera idazteko eskatu diete.
Ekitaldia 18:00etan hasiko da, eta omenaldiaz gain, emakumezkoen mailako herri kirolarien erakustaldia, talo-tailerra eta txokolatea ere egongo dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
