Elkartrukearen ekintza nagusia Urdulizko Mentxakane Baserrian egingo da. Bertan, Pewma Lurretik Etxera proiektua koordinatzen duten emakumeek bisita berezia egingo dute. Topaketak "Baserritarren feminismoa ikuspegi deskolonialetik" izenburua du.
Egitarauari dagokionez, eguerdiko 14:00etan bazkari bat antolatuko da bertoratzen diren guztientzat. Aforoa mugatua denez, aurrez eman behar da izena parte hartu ahal izateko.
Era berean, arrastian, 16:00etan hasita, solasaldi bat egingo da. Bertan, Argentina, Brasil eta Euskal Herriko borroka baserritar zein antirrazistaren estrategiak eztabaidatuko dira, eta "Nekazaritza harrera-gunea al da?" galderari erantzun nahiko zaio.
Topaketa honen helburu nagusia esperientziak trukatzea eta landa-eremuko eskubideen aldeko aliantzak indartzea da.