Programa urtarrilaren 7an hasiko da eta ekainaren 24ra arte iraungo du. Bi talde egongo dira, bata 11:30etik 12:30era, eta bestea 12:30etik 13:30era, astelehen eta eguaztenetan.
Gimnasia Aktiboa 65 urtetik gorako pertsonei zuzendutako inklusio-programa da. Parte hartu gura dutenek abenduaren 23tik urtarrilaren 3ra arte izango dute epea izena emateko. Izen-emateak Urdulizko Kultur Etxean edo erregistro telematikoaren bidez egin daitezke.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!