Guztira hiru saio izango dira, urtarriletik martxora bitartean, hilean behin. Lehenengo hitzordua datorren martitzenean izango da, urtarrilaren 20an; bigarrena otsailaren 10ean egingo da, eta azken saioa, martxokoa, hilaren 3an. Hauek guztiak Urdulizko gaztelekuan izango dira.
Hasiera batean aurrez gonbidatutako 35 lagun inguruk parte hartzea aurreikusi bada ere, deialdia irekia da interesa duen edonorentzat.
Ekimena Bizkaian bagara egitasmoaren barruan kokatuta dago, eta Bizkaiko Foru Aldundiaren zein Urdulizko Udalaren babesa du.
