Hitzordua goizeko 9:00etan izango da, eta parte-hartzaileek 12,2 kilometroko ibilbidea osatuko dute: Urduliztik abiatu, Isuskitzamendira igo eta berriro herrira itzuliko dira.
Mendia eta aldarria uztartzea da egitasmoaren xedea. Antolatzaileek azaldu dutenez, jarduera herritar guztiei dago zabalik, eta adin zein esperientzia ezberdinetako mendizaleak animatu gura dituzte parte hartzera, berdintasunaren aldeko mezua naturagunean elkarregaz indartzeko.
Izen-ematea zabalik dago eta www.bmf-fvm.org webgunearen bidez egin daiteke. Era berean, informazio gehiago gura dutenek emakumeetaemendia@bmf-fvm.org helbidera jo dezakete. Parte-hartzaileek 5 euro ordaindu beharko dituzte federatuta badaude, eta 6 euro federatu gabeek; 16 urtetik beherakoek, berriz, ez dute ordaindu beharko.
Martxaren amaieran hamaiketakoa eskainiko dute, eta parte-hartzaile guztiek opari txiki bat jasoko dute.