Martxoaren 14an, zapatu honetan, Antsoneko plaza azoka solidario berezia hartuko du, Cuadrilla del Hospi elkarteari laguntzeko asmoz; hau da, haurren onkologian aritzen diren eta euren familiei sostengua ematen dien proiektuetarako dirua biltzeko.
Azokan mota askotako produktuak aurkitu ahal izango dira, guztiak salga. Hori horrela, antolatzaileek jakinarazi gura izan dute ez direla objektu berriak edo dohaintzak jasoko. Izan ere, bertaratzea eta erostea da ekintza honen oinarria; hau da, erosketak eginez, zuzeneko laguntza jasoko du elkarteak.
Azoka goizeko 09:00etatik 15:00ak arte egongo da.
Eguna aukera bikaina da erosketak egiteko, ondo pasatzeko eta elkartasunari ekarpena egiteko. Zatoz, parte hartu eta haurren alde egin ezazu!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!