Erabakia herritarren iritzia jasotzeko abiatu zen inkestaren emaitzetan oinarritu da, eta parte-hartze handia izan du prozesuak. Guztira, 625 parte-hartze erregistratu dira, eta horietatik 570 erantzun baliodun izan dira. Gehienek online eman dute iritzia, 441 herritarrek bide telematikoa erabili baitute; beste 129k, ordea, paperean erantzun dute.
Parte-hartzeari dagokionez, emakumeen presentzia handiagoa izan da, 301 emakumek eta 227 gizonek hartu baitute parte. Auzoen arabera, Landa izan da parte-hartzerik handiena izan duen eremua, 377 erantzunakaz; ondoren Elortza, 160 iritziakaz, eta atzetik Mendiondo, Zalbidea eta Dobaran.
Bozketaren emaitzek alde nabarmena utzi dute, eta herritarrek bi aste-akabutan banatutako jai eredua lehenetsi dute: bata Abadenen eta bestea Udalaren inguruan. Beste aukerek babes txikiagoa jaso dute.