Hitzordua 17:30ean abiatuko da, non Gotzone Butron eta Aitziber Rayak "Orkestra ZOOragarria" ipuinaren kontaketa egingo duten . Emanaldi hau 4 eta 8 urte bitarteko umentzat eta haien familientzat pentsatuta dago, eta ipuin kontaketaz gain tailer bat ere egongo da.
Aldiz, arrastiko 19:00etan, irakurketaren inguruan sortutako banku bat inauguratuko dute kultur etxean bertan. Eserleku hau Banku Anitzak proiektuaren barruan kokatzen da, eta Mari Mar Martinezek diseinatu eta margotu du. Proiektu honen helburua liburuez beste modu batean gozatzeko gune paregabea eskaintzea da.