Ibilbidea Urdulizko kale eta inguruetan barrena egingo da, eta Lide Rodriguez izango da gidaria. Rodriguez jasangarritasunagaz lotutako proiektuetan aditua da, eta haren laguntzagaz parte-hartzaileek herriaren oraina aztertzeko eta etorkizuneko aukerei buruz hausnartzeko aukera izango dute.
Antolatzaileek azaldu dutenez, jarduera publiko guztiei zuzenduta dago, eta ibilbidea guztiz irisgarria izango da. Gainera, zailtasun erraza izango du eta bi ordu inguruko iraupena aurreikusi dute.
Bi txanda egongo dira aukeran: 10:00etatik 12:00etara eta 12:00etatik 14:00etara. Abiapuntua Urdulizko Kultur Etxea izango da, eta txanda bakoitzean 25 plaza egongo dira eskuragarri.
Parte hartu gura dutenek izena eman beharko dute aldez aurretik, maiatzaren 11tik 19ra, honako esteka honetan: https://reserva.tantak.eu/eu/. Informazio gehiago jasotzeko, antolatzaileek iratxe@tantak.eu helbidea jarri dute harremanetarako.