Bizkaiko Foru Aldundiaren iturri ofizialetan adierazi dutenez, erronka honegaz, "oinez eta korrika egitea edo bizikletaz ibiltzea bezalako desplazamendu aktiboek" puntuak ematen dituzte. Aplikazioak jarduera motaren araberako neurritasuna erabiltzen du, eta udalerrien sailkapena ere biztanleriaren arabera doitzen da, udalerri handi eta txikien arteko lehia orekatzeko.
Erronka honetan parte hartzeko, parte-hartzaile bakoitzak Wellk aplikazioa deskargatu, erregistratu eta –kasu honetan– Urduliz aukeratu behar du. Horren ondoren, jarduerak aplikazioaren GPSagaz zuzenean erregistratu daiteke edo Strava, Garmin, Fitbit, Apple Health edo Google Health Connect bezalako zerbitzuak sinkronizatuta.
Parte hartzaileak 14 urte baino gehiago izan behar dituzte, eta ez da beharrezkoa izango Urdulizen erroldatuta egotea, zeren eta. adierazi dutenez: "herriagaz lotura edo afinitatea duen edonork aukeratu dezake talde gisa".