Urdulizko Udalak eta Tantak elkarteak antolatuta, ikaskuntza, jolas eta dinamika parte-hartzaileak uztartzen dituen guztiontzako jarduera "atsegin eta dibulgatzailea" izango da. Helburua naturaz modu "dibertigarri" eta "erakargarri" batean ezagutzea eta gozatzea da.
Antolatzaileen arabera, ibilbide erraza izango da, bi orduko iraupenekoa, eta Urdulizko Kultur Etxetik aterako dena. Aurten, euskaraz zein gaztelaniaz egiteko aukera egongo da: goizeko 10:00etatik 12:00etara gaztelaniaz; eta 12:00etatik 14:00etara euskaraz.
Jarduera Txiri-Txiri Urdulizko Udalak antolatutako doako dibulgazio- eta osasun-ibilbide gidatuen programaren barruan dago. Guztira 25 plaza egongo dira eta izena emateko epea jada zabalik dago, esteka honen bidez egin daiteke.