Udalak aurreratu duenez, jarduerak 2014ko urtarrilaren 1etik 2023ko abenduaren 31ra bitartean jaiotako umeentzat izango dira, eta adin bakoitzera egokitutako "jolasak, sormen-tailerrak eta dinamikak" eskainiko dituzte, "ingurune euskaldunean eta berdintasunean".
Negulekuak Elortza eskolan egingo dituzte eta hiru txanda izago dituzte: abenduaren 23tik 24ra, abenduaren 28tik 31ra; eta urtarrilaren 4tik 5era. Ordutegia 09:00etatik 14:00etara izango da, eta zaintza-zerbitzua ere eskainiko da goizeko 08:00etatik 09:00etara.
Plazak esleitzeko, lehentasun-ordena hau ezarriko dute: lehenik, Urdulizen erroldatuta dauden umeek izango dute lehentasuna; bigarrenak, Elortza eskolako ikasleak; hirugarrenik, ama, aita edo legezko tutorea Urdulizen lanean duten umeek; eta, azkenik, plazarik soberan geratzen bada, gainerako umeek.