Euriak ez du Mintzaeskalada geldiarazi!

Laura Fontalba Colomo

Euskaraz hitz egiteko eta eskalatzeko topaketa. © HODEI TORRES

Aurreko zapatuan, azaroaren 14an, Uribe Kostako Mankomunitateak antolatuta, Egizu eta Berbots elkarteen laguntzagaz, eskualdeko Mintzaeskalada topaketa egin zuten. Helburua, eskalada ikasten edo praktikatzen zuten bitartean, euskaraz aritzea izan zen.

Hasieran, Urdulizko Santa Marinako haitzetan jarri zuten hitzordua, baina aurreko eguneko euriak hormak busti zituen eta topaketa birplanteatu behar izan zuten. Hala ere, euria gorabehera, euskaraz hitz egiteko eta eskalatzeko gogoz, inguruko rokodromo batera joan ziren, eta, azkenean, antolatzaileen hitzetan, goiz "bikaina" igaro zuten, "gorputza eta mingaina astinduz".

Mintzaeskalada eskualdeko hainbat lekutan antolatzen den topaketa da, bai aire zabalean, adibidez, Urdulizko Santa Marinako haitzetan, bai kiroldegietan eta rokodromoetan, hala nola Astrabuduko edo Gorlizko kiroldegietan.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun