Hordago Uribe Kostari

Erabiltzailearen aurpegia Hiruka 2015eko urtarrilaren 23a

Euskal Herriko VII Mus Txapelketaren aurkezpena / © Euskal Herriko Mus Federazioa

Asteburu honetan abiatuko da Euskal Herriko VII. Mus Txapelketa Uribe Kostan. Hordagozaleen nazio kirolean lasterrenak lehiatzen berangoztarrak izango dira. Nebarrebak tabernak hartuko ditu jokalariak, zapatu arrastian, 16:30etik aurrera. Ordu berean, Itzubaltzeta / Romokoek beste deialdi bat jarri dute Pinueta auzoko Beti Lagunak jatetxean, Leioako aldean. Hurrengo asteburuan, berriz, Gorlizen kanporaketa bikoitza jokatuko dute Tsunami tabernan, zapatuan zein domekan, biak ala biak 17:00etan.

Partida guztietan, jokatu nahi duten bikoteek 20na euro ordaindu beharko dituzte. Hiru herrietan sailkatuko direnak Bizkaiko herrialde mailako finala jokatu beharko dute Barakaldoko Itsasadar sagardotegian, datorren otsailaren 21ean, goizeko 10:00etan. Nazio finala, ordea, Lekeition burutuko da, martxoaren 7an.

Egitaraua

• Berangoko kanporaketa
Lekua: Nebarrebak Taberna
Ordua: 16:30ean
Urtarrilaren 24a, zapatua
 
• Itzubaltzeta-Romoko kanporaketa
Lekua: Beti Lagunak jatetxea (Pinueta - Leioa)
Ordua: 16:30ean
Urtarrilaren 24a, zapatua
 
• Gorlizko Kanporaketa
Lekua: Tsunami taberna
Ordua: 17:00etan
Urtarrilaren 31a eta otsailaren 1a, zapatua eta domeka
 
• Bizkaiko finala
Lekua: Itsadar sagardotegia (Barakaldo)
Ordua: 10:00etan
Otsailaren 21a, zapatua
 
• Euskal Herriko finala
Lekua: Itsadar sagardotegia (Lekeitio)
Ordua: 10:00etan
Otsailaren 21a, zapatua

Kirolak
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun