Korrika 19

Korrika batzordeak abian dira eskualdean

Korrika 19ren web­gunean jarri dute jada euskararen aldeko lasterketaren aurtengo ibilbidea. Bestalde, eskualdeko herrietako ba­tzordeak lanean hasiko dira laster. Erandion batzen hasi dira jada. Eta gainontzeko herrietan hitzorduak jarrita dituzte jada.

Urepelen (Nafarroa Beherea) hasiko da AEK-k antolatzen duen euskararen aldeko las­terketa 2015eko martxoaren 19an, eta Bilbon bukatu hamar egun geroago, martxoaren 29an. Horrela, Urepeletik Bilbora bitarteko ibilbidean 2.000 kilometrotik gora egingo ditu Korrikak. Gurean, martxoaren 24an, martitzena, Mungiatik helduko da Urdulizera 11:40 aldera eta Gorliz, Plentzia, Barrika, Sopela, Berango, Algorta, Itzubaltzeta / Romo, Leioa eta Erandio zeharkatuko ditu euskararen aldeko lasterketak. 16:00ak aldera joango zaigu Barakaldo aldera, ohi den legez, itsasadarra traineruz igaroz Barakaldorantz.

Erandion bueltan izan­go dugu Korrika azken egunean, goizeko 7etan, San Inazion sartuta Bilboko helmugarako bidea egiteko.

Ibilbidea:

Martxoak 24, martitzena

Urduliz 11:38

Gorliz 12:00

Plentzia 12:23

Barrika 12:43

Sopela 13:11

Berango 13:50

Algorta 14:10

Leioa 15:25

Erandio 16:04

Martxoak 29, domeka

Erandio 07:00

Korrika batzordeak:

Behin datak zeintzuk diren ja­kinda, merezi duen harrera pres­tatzeko eskualdeko herrietako ba­tzordeak lanean hasiko dira laster. Erandion batzen hasi dira jada. Eta gainontzeko herrietan hitzorduak jarrita dituzte jada. AEKko tokiko arduradunek azaldu dutenez, Korrika batzordeek izaera zabala daukate, edozeinek (elkarteek, kirol taldeek, norbanakoek…) parte har dezake. Ba­tzordearen zereginen artean herrian burutuko diren ekitaldiak pentsatzea eta antolatzea, Korrika Txikia...

Durangoko Azoka izango da Ko­rri­ka 19ko omendua, aurten 50 ur­te beteko dituela ospatuz. Aurtengo leloari dagokionez, "Euskahaldun!", Amets Arzallusek Korrika 18ren amai­eran Baionan esandakoak ekartzen di­tu gogora: "Herri hau euskaraz pentsatuko dugu, edo ez da izanen". Bertsolariaren esanetan, "herri hau euskaraz pentsatzen ahal dugu, edo ezin dugu pentsatu".

Urduliz
Urtarrilak 29, eguena
19:00etan kultur etxean

Berango
Urtarrilak 29. eguena.
18:00etan kultur etxean

Plentzia-Gorliz
Urtarrilak 30, barikua
19:00etan Jentilbaso euskaltegian

Sopela
Otsailak 3, martitzena
19:00etan Kurtzio kultur etxean

Leioa
Otsailak 5, eguena
19:00etan Lamia euskaltegian

Romo-Areeta
Otsailak 5, eguena
19:00etan kultur etxean

Algorta-Getxo
Otsailak 6, barikua
19:00etan Lauaxeta euskaltegian

Info+: www.aek.org/blogak/uribekosta

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun