Plentziak eta Leioak ere antzeko norabidea hartu dute. Lehenengo udalerrian, 21 langabetu gehiago dago, guztira 290; eta Leioan 11 pertsonak galdu du lana. Barrika, Lemoiz eta Urduliz udalerrietan ere lanbakoen zenbatekoak gora egin du, eta gaur egun, hurrenez hurren 97, 70 eta 262 lagun dabiltza lan bila herri horietan.
Bestalde, Berangon, Erandion, Getxon eta Sopelan langabezia-tasak behera egin du. Berangon, 26 lagunek lana aurkitu dute azken urtean, langabeen zenbatekoa 397ra murriztuz. Erandiok eta Getxok 55 eta 37 langabe gutxiago dituzte, hurrenez hurren; eta Sopelak 2014a 889 langabegaz hasi bazuen ere, egun 854 langabe daude.
Azken hiruhilekoan EAEn 6.000 lanpostu berri sortu dira, Euskal Estatistika Erakundearen (Eustat) arabera. Bizkaian langabezia-tasak behera egin du; ostera, kontrako norabidea hartu du Uribe Kostan. Eskualdeko udalerririk zigortuena Gorliz izan da, langabezia-tasa %13,6 igo da-eta. Guztira, 405 gorliztarrek ez dute lanik aurkitzen, iaz baino 52 gehiagok.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun