Bihar, eguenaz, Bizkaiko Odol Emaileen Elkarteak odol-emaile "bikainak" omentzeko ekitaldia egingo du Barakaldon, 19:30ean, Juan Sebastian Elcano kalean dagoen antzokian. Bertan, 2006ko urtarrilaren 1etik 2013ko abenduaren 31ra arte, emakumeen kasuan 60 aldiz eta gizonezkoen kasuan 75 aldiz odola eman duten pertsonak omenduko dituzte, tartean 25 uribekostar.
Ekitaldi horretan Uribe Kostako 25 lagun omenduko dituzte: Armintzako 1, Erandioko 3, Getxoko 14, Gorlizko 1, Leioako 4 eta Sopelako 2.
Omenaldia Arkaitz Estiballes bertsolariagaz hasiko dute. Ondoren, Galdakaoko euskal transfusio zentroko zuzendariak eta Barakaldoko alkateak hitz egingo dute, besteak beste. Segituan bideo batzuk proiektatuko dituzte, eta Rafa Ruedak abestuko du. Omendutako emakume eta gizonezkoei Jesus Lizaso eta Jon Arretxe artistek bereziki egindako obra bat oparituko zaie.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.