Otsailaren 22an eta 25ean Getxon dira hitzorduak. Aipatu domekan nerabeei zuzendutako saioa egingo dute, 18:00etan, Gauegun gaztelekuan. Hiru egun beranduago Algortako kultur etxean, Villamonten, izango da emanaldia, 20:00etatik aurrera. Ekitaldi horretarako aukeratutako film laburren artean dago Hegoak Saria irabazi duen "Pepper" lana. Eskualdeko egitarauagaz bukatuz, hilaren 26an, eguena, Sopelako Kurtzio kultur etxean eskainiko dituzte hainbat film labur, 19:30ean. Sarrera doan izango da, baina hamar egun lehenago hartu ahal izango dira gonbidapenak Kurtzion bertan.
"DETI 04" (Children 404) pelikula berbagai, aniztasuna eta giza-eskubideen saria jaso du aurtengo Zinegoak jaialdian. "Errusiako LGTB gazteen eguneroko bizitza gogorra lehenengo pertsonan eta aurrez aurre kontatzeagatik" egin dio aipamen epaimahaiak.
Bestalde, Hegoak Saria ematen duten lehenengo aldia da aurtengoa. Sexu aniztasuna, familia eta harreman eredu berriak hobeto bultzatzen dituen film laburrari emango zaio. Oraingoan, "Pepper"-ek jaso du.