Erakusketa ikusteko azken bisita euskaraz izango da, aipatu legez otsailaren 25ean, eguaztena. Arrastiko 6:00etan hasiko da, eta Iñaki Goiogana erakusketako komisarioak zuzenduko du. Leku kopurua mugatua denez, aurretik erreserba egin behar da, 944 040 990 telefonora deituz edo arkeologimuseoa@bizkaia.net helbidera mezua bidaliz.
Bilboko foru Arkeologi Museoa Mallonako eskaileretako 2. atarian dago, Metro Bilbaoko Zazpi Kaleetako geltokiaren Unamuno irteeraren gainean. Sarreren ohiko prezioa hiru eurokoa da. Halere, 26 urtetik beherakoek zein 65 urtetik gorako erretiratuek, urritasunen bat duten pertsonek, langabetuek eta 10 lagunetako taldeek erdia ordaintzen dute. Azkenik, umeek ez dute sarrera ordaindu behar, 12 urte bete arte.