Bizkaibusek Plentzia eta EHUra arteko autobusak jarriko ditu

Erabiltzailearen aurpegia Hiruka 2015eko otsailaren 27a

Martxoaren 9an, Bizkaibusek bi linea berri abiaraziko ditu, Uribe Kosta eskualdea eta Balmaseda Euskal Herriko Unibertsitateko (EHU) Leioa eta Erandioko campusarekin zuzenean lotzeko. Bestalde, Bizkaiko Foru Aldundiaren Herri Lan eta Garraio Sailak A2611 Ugao-EHU linearen irteera-ordua aldatuko du, 13:55etik 12:55era. A2166 lineak lotuko ditu Uribe Kosta eta EHU; Plentzia, Gorliz, Urduliz, Sopela eta Berangoko ikasleei emango die zerbitzua, eta ekarriko du autobus bi gehiago jartzea Bizkaibusen, Txorierri-Mungialdea zerbitzuan. Hauek izango dira irteerak, Plentziatik: 07:00, 08:00, 09:00, 10:00, 13:00, eta 14:00etan; eta EHUtik: 12:10, 13:10, 14:10, 15:10, 17:10, 18:10 eta 19:10ean.

Bigarren linea, A0654 Balmaseda-EHU, Balmaseda, Zalla, Gueñes eta Alonsotegitik igaroko da campusera heltzeko, eta ekarriko du bi autobus gehiago jartzea Enkarterriko zerbitzuan. Hauek izango dira irteerak, Balmasedatik: 06:30, 7:30, 11:30 eta 13:30ean; eta EHUtik: 13:10, 15:10, 18:10 eta 20:10ean.

Aldundiak adierazi duenez, bi linea horiek abiaraztearen helburua da campuseko ikasle, administrazioko langile eta irakasleei joan-etorriak erraztea; izan ere, modu horretan ez dute autobus batetik beste batera ibili behar izango (gaur arte gertatu den moduan).

Jendartea
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun