Gaztetxoen mailan, Maider Barañano Uribarri, Aritz Landeta Terceño eta Unai Mendiburu Valor izan dira Uribe Kostako ordezkariak. Gazteen taldean, ostera, Inazio Vidal Gurrutxagak, Paule Loizaga Legarrak eta Imanol Uria Albizurik kantatu dute. Denetara, Uribe Kostako taldeak 420 puntu lortu ditu; Enkarterrikoak, ostera, 375.
Uribe Kosta aurrera doa Bertsolari Gazteen BBK sariketan
Uribe Kostako taldeak irabazi du gaur goizean Zallan jokatu den Bertsolari Gazteen BBK Sariketako bigarren kanporaketa, Enkarterriko taldearen kontra. Hala, martxoaren 24ko Sopelako finalaurrekoan kantatzeko txartela eskuratu dute uribekostarrek. Aipatutako saioa 09:30ean izango da Ander Deuna ikastolan. Hirugarren saioko irabazlea izango dute aurkari, hau da, martxoaren 17ko Durangaldea eta Busturialdea arteko lehian irabazten duen taldea. Finala martxoaren 26an izango da, 19:00etan, Bilboko kafe antzokian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun