Udaberriko lehenengo berbatxangoa antolatu dute martxoaren 15erako, domeka, Erandioko Berbots, Sopelako Aitxu eta Getxoko Egizu taldeek, ohi den legez, euskara eta euskal kultura sustatzeko asmoz. Oraingo honetan Elgetara joango dira, Memoria Historikoaren Euskal Interpretazio Zentrora, 36ko gerraren frontearen kokalekura, lubakietara... Salneurria 5 eurokoa da, autobusa eta mokadua barne, helduentzat; eta doan, umeentzat. Aldez aurretik eman beharko da izena. Horretarako, Berbots, Aitxu eta Egizu euskara elkarteetara jo beharko dute 36ko gerraren Elgetako aztarnak bisitatu gura dituztenek.
Hala, 08:30ean Sopelako eliza aurrean, 08:45ean Algortako Telepizzan eta, apurtxo bat beranduago, 09:00etan Erandioko gasolinoan egongo da autobusa hartzeko aukera. Bisita gidatua 10:30etik 14:00etara izango da, antolatzaileek adierazi dutenez. Bueltan 15:00etan abiatuko dira Elgetatik.
Izen-ematea eta informazio gehiago:
aitzuizuba@gmail.com / 603 894 364
egizugetxo@gmail.com / 644 277 155
berbots@gmail.com
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!