Hego Euskal Herriko hainbat udalerritatik igaro ostean, Uribe Kostara helduko da Ekologistak Martxan erakundeak antolatutako Ekozinemaldiaren 9. edizioa. Antolatzaileek azaldu dutenez, aurten aukeratu duten gaia petrolioari eta gasari oso lotuta dagoen erauzketa mota bat da, fracking-a, alegia. Hala, bihar, astelehena, Leioan proiektatuko dute aukeratutako filmen artean mugarritzat daukaten "Gasland" pelikularen bigarren zatia. Udondo gaztetxean izango da emanaldia, 19:00etan; eta eguazten eta eguenean ere beste bi saio programatu dituzte toki berean.
Algortari dagokionez, astelehen eta martitzenean egingo dute Ekozinemaldia, 19:00etan, Villamonteko kultur etxean. Azkenik, martitzen eta eguenean EHUren Leioako campuseko Gizarte eta Komunikazio Zientzien Fakultatean egongo dira ikusgai filmak, goizeko 11:00etatik aurrera.
Ekozinemaldiaren bidez, instituzioen eta petrolio eta gas enpresen arteko “sator-lanak” salatu gura ditu Ekologistak Martxan erakundeak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.