Uribe Kostako gazteek badaukate lehen sorospenak ikasteko aukera. UK Gaztea 2015 ekimenak horretarako ikastaroa antolatu du, 16 eta 29 urte arteko neska-mutilei zuzenduta. Tailer horietan parte hartzeko 15 toki jarri dituzte, hortaz, aldez aurretik eman beharko da izena, hilaren 27a baino lehen. Horretarako mezu bat bidali beharko da gazte@leioa.net helbide elektronikora edo deitu 944 055 850 telefono zenbakira. Ikastaroa doakoa izango da.
Leioako Aterpe gaztegunean emango dituzte eskolak, apirilaren 20tik ekainaren 10era arteko astelehen eta eguazten denetan, 17:00etatik 20:00etara. Horietan, ikasleek lehen sorospenagaz lotutako teknikak, trebetasunak eta jarrerak ikasiko dituzte. Horretaz gain, horiek eusten dituzten ezagutza teorikoak ere izango dira ikastaroaren edukiak.
Bertan emango den titulua beharrezkoa da sorosle ikastaroa egiteko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
