Datorren ekainaren 14an izango da Kosta Trail lasterketaren hamargarren edizioa. Antolatzaileek aurreratu dutenez, “ezin dugu eguraldi ona bermatu, baina ziur esan dezakegu: 12 eta 20 kilometroko ibilaldiak eta 30 kilometroko lasterketa berrikuntzaz eta aldaketaz josita egongo dira”. Bertan parte hartzeko, eguaztenean, apirilak 1, irekiko dute izena sarean emateko epea. Toki mugatuak izango direnez, azken egunera arte ez uzteko aholkatu dute.
Hamargarren edizio berezi honetan, lasterketarako Sopelako udaletxe plazako ohiko irteera mantenduko dute, baina hasieratik Plentziarantz joko dute, gero korrikalariek Barrikako baso eta zelai artean egingo dute aurrera. Ostera, Plentzia hiribildutik kostaldeko ibilbidera egingo dute, Sopela eta Azkorri atzean utzi, Mugarrikolanda mendira heldu eta Sopelaraino bueltatu arte.
Elkartasuna helburu
Jaio zenetik, Kosta Trailek asmo solidarioa izan du. Hamargarren edizioan ere bere izaerari eutsi eta lortuko duen diru dena ASVIDIA Bizkaiko Diabete Elkarteari emango dio.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.