Lehenengo Getxon, gero Sopelan eta orain Barrikan, Plentzian, Gorlizen eta Lemoizen. Fracking-aren kontrako taldeak gehituz doaz gure eskualdean, eta sortzen azkenekoa lau herri horietan lan egingo duena da. Joan den martxoaren 10ean batu ziren Barrika, Gorliz, Lemoiz eta Plentziako auzotarrak Goñi Portalean, haustura hidraulikoari aurre egiteko plana zehazteko asmoz.
Hiru dira daborduko fracking-aren kontrako taldeak Uribe Kostan; euren helburua, ostera, herri bakoitzean talde bat sortzea da, «eskualdean mugimendu anitza eta indartsua lortzeko». Izan ere, presio hidraulikoaz baliatuz lurzoruko arrokak hautsi eta gas naturala ateratzeko teknika hori ate joka dabil gure eskualdean; Bizkaiko kostaldean zehar fracking-aren bidez gasa ustiatzeko proiektu bat dago-eta martxan, Geminis deritzona. Horrek Getxo eta Bermeo arteko 47.940 hektarea hartzen ditu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!