Hala, 09:30ean Erandioko gasolinoan, 09:45ean Algortako Telletxe kaleko markesinan eta, apurtxo bat beranduago, 10:00etan Sopelako elizan egongo da autobusa hartzeko aukera. Bisita gidatua 10:30etik 14:00etara izango da, antolatzaileek adierazi dutenez.
Kontsumo arduratsua eta agroekologia
Gabi Basañez eta Gotzon Kamiruaga abeltzainek euren esperientziaren berri emango dute: oilo, ahuntz eta txerriakaz lanean dabiltza. Lander Labajoren ortura joango dira gero. Bera barazki-ekoizlea da eta kontsumo-talde bat dauka martxan. Beraiekin kontsumo-taldeez eta salmenta zuzenaren garrantziaz ere berba egingo dute. Azkenik, sOrtuak proiektuko ortuetara egingo dute bisita, Getxoko Moreaga eremuan. Bertan bi taldek funtzionatzen dute modu autogestionatuan, euskaraz era ekologikoan produzitzen.
Kontsumo-taldean kontsumitzaileek zuzenean erosten dizkiete baserritarrei euren produktu ekologikoak, bitartekaririk gabe eta baldintza duinetan. "Hilean birritan saskiak jasotzen ditugu hainbat produkturekin, 3 hilabeteko proba egin nahi duzu?", galdetu dute Egizukoek.
Bestalde, sOrtuak proiektuan parte hartu gura dutenek, ondoko bideak dituzte: 644 277 155 / egizugetxo@gmail.com
Berbatxangoan izen-ematea eta informazio gehiago:
aitzuizuba@gmail.com / 603 894 364
egizugetxo@gmail.com / 644 277 155
berbots@gmail.com