Bihar, zapatua, Alejandro Cearreta EHUko irakasleak Plentziako Txipioko paduratik abiatuta, bisita geologiko gidatua egingo du Gorlizko Astondoko amildegira arte. Txangoa goizeko 10:00etan abiatuko da, Plentziako metro geltoki parean.
Txango geologiko hori doakoa izango da eta Alejandro Cearreta EHUko Zientzia eta Teknologia fakultateko irakasleak gidatuko du. Ikerlari horrek Txipioko paduraren, Plentziako estuarioaren, Astondoko badiaren, Gorlizeko duna eolikoen, Gorlizeko duna zementatuen eta Astondoko amildegien historia eta ezaugarriak azalduko dizkie bisitariei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!