Itxaso izeneko 17 urteko neska gazteak eta bere ama Maierrek dira dokumentalaren protagonistak. Guraso orok seme-alabentzat dituzten kezka edota zalantzetatik abiatzen da proiektua. Kasu honetan, Maier eta haren senideek, neskatilarentzat dituzten arranguretan dugu abiapuntua. Gaixotasun neurologiko bategaz sortutakoa da Itxaso eta horrek ohikoak ez diren zenbait tirabira sortzen dizkie hurbilekoei. Lekukotasun eta ibilbide horretan oinarrituta, haur “ezberdinen” mundua ulertzeko parada ezin hobea da dokumentalak eskaintzen diguna.
“Itsasoari begira” dokumentalaren emanaldia, gaur EHUko Bizkaia Aretoan
Bariku honetan, maiatzak 22, pantailaratuko da “Itsasoari begira” dokumentala. Zesatenjuenaz kooperatiba taldeak eta horren parte diren EHUko Gizarte eta Komunikazio Zientzien Fakultateko ikasle zein irakasleak eta Lorea Perez de Albeniz zinemagilea ibili dira dokumentalaren ekoizpen lanetan. Azken hau, filmaren protagonista den Maier ama batera egongo da proiekzioaren ostean ikusleakaz, ikus-entzunezko proiektu honetaz solasean. Doaneko ekitaldia bada ere, bertara sartzeko gonbidapena eskuratzea komeni da. Pelikula euskaraz proiektatuko da, gaztelaniazko azpitituluakaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun