2013tik hona bederatzi merkatu egin dira. Izandako esperientzia kontuan hartuta, trukea ere sustatu nahi dute antolatzaileek, bigarren eskuko objektuak saltzeaz gainera. Horretarako, mahai bakoitzeko objektuak hiru ataletan bana ditzaten eskatu dute: salgai daudenak, opari ematen direnak, eta trukean eman daitezkeenak.
Ekainaren 20an egingo dute Barrikan bigarren eskuko objektuen Uribe Kostako hamargarren azoka, udaletxearen ondoko parkingean. 2013ko irailaren 27an egin zuten eskualdean mota horretako lehenengo merkatua. Harrezkero, urtetik urtera, azoka hartzen duen herria aldatzen dute. Antolatzaileek diotenez, "batzuentzat daborduko baliagarriak ez diren objektuak baliagarriak izan daitezke beste batzuentzat; objektuak berrerabiltzeko aukera ematen du merkatuak". Era berean, objektuak berrerabiliz, ez dira botatzen zaborrera, eta horrela "bigarren bizitza ematen zaie". Azoka horretan parte hartu gura dutenek ekainaren 5era arte izango dute izena emateko aukera. Postuak esleitzeko, lehentasuna izango dute Uribe Kostako Mankomunitateko udalerrietan erroldatuta daudenek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun