Bizkaiko pintxo onenaren bila

Iker Rincon Moreno 2015ko eka. 3a, 13:20

Getxon ere pintxo lehiaketak egin ohi dira. © GETXO ENPRESA

Bihar, hilak 4, emango diote hasiera Bizkaiko Pintxo Txapelketa 2015 lehiaketari. Aurtengoa XVII. edizioa izango da eta domekara arte luzatuko da. Sariketa horri esker, sukaldaritza onenaren pintxo zaporetsuenak neurri txikian eta prezio bakarrean (1,5 euro) dastatzeko aukera egongo da. Denera, 59 ostalaritza establezimenduk eman dute izena, horietatik 45 Bilbon daude kokatuta, eta gainerako 14ak Erandio, Amorebieta, Barakaldo, Basauri, Durango, Ermua, Galdakao, Getxo, Mungia eta Plentzia udalerrietan daude. Getxon Burdinola eta La Plaza tabernak eta Migaea jatetxeak parte hartzen dute; Astrabuduan Coppi taberna eta Plentzian Taberna Plentziak.

Sariketa horren dastatze fasea bihar hasiko da, hilak 4, eta domekara arte luzatuko da, hilak 7. Ordutegia 12:30etik 15:00etara eta 19:00etatik 20:30era izango da. Ordutegi bera erabiliko da lehiaketaren bigarren fasean ere, ekainaren 11tik 14ra jokatuko den fasean, hain zuzen ere.

"Urrezko Zotza" sariak

Bilboko Udalak eta Bizkaiko Foru Aldundiak hiru sari emango dituzte, hain zuzen ere Urrezko Zotza, Zilarrezko Zotza eta Brontzezko Zotza izenekoak. Bi kategorietan emango dituzte sariak, pintxo librearen kategorian eta osagai berezi bategaz prestatutako pintxoen kategorian; aurten osagai berezia antxoa izango da. Honako hauek izango dira hautapen irizpideak: osagaien kalitatea, prestaketa eta aurkezpena. Hamazazpigarren edizio honetan Pintxoen Establezimendurik Onenari Saria ere banatuko da; Urrezko Zotza, Zilarrezko Zotza eta Brontzezko Zotza mailetan emango da.

Kultura

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun