Euskal Kostaldeko Museoen Sareak Euskal Kostaldeko kultura-ekipamendu guztien lankidetzarako gune izan nahi du, eta museoak, interpretazio-zentroak eta bestelako ondare baliabideak biltzen ditu. Eskaintza turistiko bateratua osatu nahi du eta kostaldeko eskaintza kulturala balioan jarri eta zabaldu, itsas ondarean arreta berezia jarriz, museo-produktu komunak garatuz, proiektuak partekatuz, eta komunikazio eta sustapen ekimenak bultzatuz. Helburu horiekaz antolatu da, hain zuzen, Euskal Kostaldeko Museoen Egunak ekimen bateratuaren hirugarren edizioa.
Getxoko Aquariuma eta Plentziako Plasentia de Butron museoa bisitatu ahal izango dira asteburuan
Euskal Kostaldeko Museoek bisita gidatuak eta komentatuak egingo dituzte asteburu honetan, doan; hala nola Getxoko Aquariumean eta Plentziako Plasentia de Butron museoan. Lehenengoan, ate irekien jardunaldia egingo dute bihar, zapatuagaz. Bisitak 45 minutukoak izango dira, goizez eta arratsaldez. Plentzian, berriz, adin guztietarako bisita gidatuak egingo dituzte, museoan dauden bilduma ezberdinak era sakonean ezagutu ahal izateko. Bisitak zapatuan goiz eta arratsaldez eta domekan goizez egin ahal izango dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun