Eguerdian jaso dugu Uribe Kostan mezua, ziurrenik eguna argitzear izango zen igorlea dagoen lekuan. Argazki bat eta "Non da?" galdera; hainbatetan HIRUKAren lehiaketan egiten dizuegunaren berbera, oraingoan guk erantzun beharrekoa...
Ederra argazkia, benetan! Ilusio handia egin digu. Pasa den egueneko HIRUKA astekariaren 34. zenbakia aurrean, AEBetako eszenatoki bat ematen duena atzean. Txoritxo batek kontatu digu Chicago izan daitekeela, izango ete da? Ene, HIRUKA AEBetan?! Asmatu ala ez, guretzat, halako argazki bat jasotzea sari itzela da! Eskerrik asko, Bego Bareño!
Zuek ere halakorik izatekotan/egitekotan, badakizue, bidal egiguzue! Gustura eta pozik argitaratuko dugu-eta.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!