Besteak beste, Eskola Kirola programaren lehiaketak, hastapeneko eta jolasteko jarduerak eta aisialdiko jarduerak zapatuan eta domekan egitean honako neurri hauek kontuan hartzea eskatu du:
- Kirol jardueretarako joan-etorrietan, segurtasun baldintzak handitzea.
- Mendi-irteeraren bat egin gura izatekotan: aurretik joateko zaren lekurako iragarpen meteorologikoaz informatzea, kontuan hartuta eguraldi aldaketa gogorrak oso ohikoak direla mendian.
- Bestalde, soinean ekipamendu eta arropa egokiak eroatea eta motxilan erreserbako jan-edanak eramatea.
- Eta azkenik, Kirol ekintzak burutuko diren baldintza meteorologikoak direla medio, antolatzaileek irtenbideen ibilbidea bertan behera utzi edo aldatu ditzakete.
Aldi berean, eguraldiaren iragarpenak alerta horia eman du itsaldeko arriskuagatik. Hori dela eta, Bizkaiko Foru Aldundiak bertan behera utzi ditu Eskola Kiroleko Programa barruan dauden Piraguismoko biharko, zapatuko, ekintza denak, hastapen eta jostetako jarduera eta lehiaketak.