Ahal den neurrian, berbaldia euskaraz egiteko asmoa daukate. Lehenik eta behin, Mungiako Butroi Bizirik Trantsizioan taldekideek trantsizio-mugimenduari buruz emango dituzte zertzelada batzuk, egitasmoa Alternatiben Herriaren ildotik kokatzeko. Gero euren kontsumo-taldearen planteamendua eta antolakuntzari buruz berba egingo dute. Ondoren, Gatikako Baratze kontsumo-taldeko erabiltzailea den Aitorrek horren jarduera azalduko du. Horren ostean, inguruko lau ekoizlek euren produktuei buruz berba egingo dute; azkenik, galderen edo ekarpenen txanda izango da.
Kontsumo-taldea sortu gura dute Plentzia, Gorliz eta Lemoizen
"Produktu ekologikoen kontsumo-taldea: inguruko ekoizle eta kontsumitzaileen arteko hartu-emana" izenburupean, gaur, eguena, berbaldia egongo da Plentziako Goñi Portal kultur etxean. Hitzordua 19:30ean jarri dute; sarrera, doan. "Honegaz lortu gura duguna zera da: Plentzia, Gorliz eta Lemoiz inguruko produktu ekologikoen ekoizleak eta kontsumitzaileak batu eta denon artean kontsumo talde bat sustatu, kalitateko produktuak ekoiztuz eta kontsumituz; ekonomia jasangarriago baten alde egin, ingurugiroa eta gizakien ongizatea abiapuntu duen ekonomia eta harreman eredu baten alde", azaldu du Gotzone Butron sustatzaileak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun