Urteurrenagaz batera, Puntueus Behatokia aurkeztu zuten abenduaren 3an. Erakunde horren arabera, %17koa da euskararen erabilera Interneten. Edo, zehatzago esanda, Interneteko domeinu nagusietan dauden webguneen %17k darabilte euskara, batez beste. Kalean baino zerbait gehiago, baina ez asko. Azken neurketaren arabera, %13,3koa da euskararen erabilera kalean, azaldu dutenez.
Enpresetako, erakunde publikoetako eta euskararen zein kulturaren arloko erakundeetako webgune askok eman du .eus-erako saltoa. Puntueus fundazioak zabaldutako azken datuen arabera, Uribe Kostan 121 dira: 52, Getxon; 30, Leioan; 19, Erandion; bosna, Barrikan, Berangon eta Sopelan; bi, Gorlizen; eta bana, Lemoizen, Plentzian eta Urdulizen.