EAJk irabazi du Uribe Kostan eta Ahal Duguk, Leioan eta Erandion

Iker Rincon Moreno 2015ko abe. 21a, 09:30
Deskargatu Info Ahotsak :
Español English Français Català Galego

EAJk lortutako sei diputatuak atzo, Sabin Etxean. © EAJ

Atzo burutu ziren Espainiako hauteskundeak. Hego Euskal Herriari dagokionez, Ahal Dugu (397.402) lehenengo indarra bilakatu zen atzo, maiatzean Nafarroako Parlamentu eta Batzar Nagusietarako eskuratu zituen botoak bikoiztuta. Bizkaian, EAJk (denera, 301.585) eutsi zion lidergoari; eta UPN-PPk (guztira, 243.457), Nafarroa Garaian. EH Bildu (218.467) laugarren postura jaitsi zen. Uribe Kostan, EAJk mantendu zuen lehenengo postua, 29.428 sufragiori esker. Hala ere, Ahal Duguk Europarako hauteskundeetarako babesa seikoiztu zuen eta gertu jarri zitzaion, 24.532 botogaz. Gainera, lehenengo indarra izan zen Erandion eta Leioan.

Estatu mailan, 3,6 milioi babes galdu arren, Mariano Rajoyren PPk garaipena lortu zuen, 7.215.530 boto eta 123 diputatu eskuratuta. Halere, ikusteko dago gobernua osatzerik izango duen. Pedro Sanchezen PSOEk, inoizko daturik okerrenak izan zituen, baina hobeto eutsi zion alderdi berrien agerpenari. PSOEk 90 diputatu eta 5.530.693 boto-txartel bildu zituen. Podemosegaz zein Ciudadanosegaz saia daiteke akordioak lortzen. Alderdi moreak eta bere aliatuek 5.189.333 boto eta 69 diputatutara heldu ziren. Azkenik, laranjek 3.500.446 eta 40 lortu zituzten.

Politika
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun